Smellið á orðin til að skoða setningar af þjóðfundi
Setningar
-
Siðgæði
Stjórnarskráin skal byggja á siðferðisgildum. Efli siðferðisvitund þjóðarinnar, tilgreini grunngildi islensks samfélags, alþingsmenn skulu endurnýja tengsl sín við atvinnulífið, stuðli að virðingu, mannréttindum, lögum og lúti lögbundnum siðareglum.
-
Siðgæði
Settar verði siðareglur fyrir samfélagið, stjórnkerfið, þingmenn og fjölmiðla og þeir kenndir á öllum skólastigum.
-
Siðgæði
Siðgæðisþema nýrrar stjórnarskrár er mannvirðing, tjáningarfrelsi og tillitssemi. Við alla hópa, bætt siðferði ráðamanna og aukin ábyrgð og jákvæðni ráðamanna.
-
Siðgæði
Stjórnarskrá lýðveldisins Íslands skal tryggja - að tjáningarfrelsi sé tryggt og virkt - aðskilnað ríkis og trúfélaga - að ekki sé gengið á rétt annarra - að refsingu megi fullnægja með samfélagsþjónustu - stjórnarskrá lýðveldisins verði virt að fullu
-
Siðgæði
Alþingi hlíti niðurstöðu stjórnlagaþings, nýrrar siðanefndar fólksins og alþingismenn fái sömu eftirlaunakjör og almenningur, en að auki missi þeir rétt til endurkjörs brjóti þeir af sér.
-
Siðgæði
Lögð sé áhersla á heiðarleika kjörinna fulltrúa og embættismanna, og lög og siðareglur hertar gagnvart opinberum starfsmönnum. Ráðningar í dómstóla skulu vera ópólitískar, Ísland láti gott af sér leiða meðal þjóðanna og Íslendingar bera ábyrgð á gjörðum sínum til að afla sér trausts.
-
Siðgæði
Alþingi setji sér siðareglur og siðgæðisvörður geti beitt viðurlögum séu þær brotnar. Ráðningar verði faglegar, spilling viðurkennd sem glæpur og siðfræði skal kennd í skólum. Alþingismenn skulu koma fram við þjóðina af heiðarleika, verði þeir uppvísir af öðru skulu þeir víkja úr starfi.
-
Siðgæði
Til að efla/auka/bæta siðgæði þjóðarinnar þarf að kenna siðfræði í skólum landsins og auka samfélagslega ábyrgð almennings. Embættismenn þjóðarinnar þurfa að starfa eftir siðareglum, sem og fyrirtæki í einka- og ríkiseigu. Pólitísk áhrif mega ekki hafa áhrif á siðgæði fjölmiðla.
-
Siðgæði
Ekki má skerða kjör almennings með lögum og ábyrgð ráðamanna skal vera skýr með heiðarleika að leiðarljósi, án þess að nýta völdin sér til framdráttar.
-
Siðgæði
Gildin eiga að koma í upphafi í stjórnarskrá. - Sjálfbær þróun er siðgæði. - siðgæði verði hluti af grunnmenntun. - Aðskilja skal ríki og kirkju.
-
Siðgæði
Tryggt verði að alþingi setji lög um refsiramma og að þeim verði framfylgt á viðeigandi stofnunum til að réttlæti fyrir alla nái fram að ganga.
-
Siðgæði
Þjóðarúrtak leggi siðareglur íslendinga sem eigi við einn og alla og gagnsæi sé í rekstri og starfi allra félagasamtaka, fjölmiðla, stjórnmálaflokka og trúfélaga.
-
Siðgæði
Á Íslandi skal virðing í hávegum höfð, pólitískum ráðningum og kennitöluflakki útrýmt, refsilöggjöf hert og spillingu eytt.
-
Siðgæði
Kjörnir fulltrúar og embættismenn starfi eftir settum siðareglum þ.s.m.a. er lagt bann við setu þeirra í stjórn fyrirtækja og að þeir þiggi hvorki gjafir né styrki. Sérstök áhersla er lögð á samfélagslega ábyrgð stjórnenda fyrirtækja.
-
Siðgæði
Á Íslandi skal valdhöfum settur skýr rammi með siðareglum þar sem mannvirðing, ábyrgð og skyldur við þegna landsins er haft að leiðarfrelsi.
-
Siðgæði
Íslenskir samfélagsþegnar skulu halda í kristin gildi, vera heiðarlegir, misnoti ekki vald sitt sér til hagnaðar eða til að brjóta á öðrum og að kjörnir fulltrúar beri ábyrgð.
-
Mannréttindi
Allir skulu jafnir, njóta jafnréttis til náms og launa. Gæta þarf réttinda barna, m.a. Með lögfestingu barna- og mannréttindasáttmála S.Þ.
-
Mannréttindi
Allir skulu njóta mannréttinda sk.v grunngildum þeirra mannréttindasáttmála sem Ísland hefur samþykkt. Skylda stjórnvalda er að vernda þau og virða.
-
Mannréttindi
Í stjórnarskrá Íslands skal vernda mannréttindi allra þegna óháð sérkennum einstaklinga. Áhersla skal lögð á réttindi minnihlutahópa, rétt allra til náms og einnig skal eignaréttur ætíð tryggður
-
Mannréttindi
Allir skulu vera frjálsir og jafnir fyrir lögum, þeim tryggð mannsæmandi framfærsla og jafn aðgangur að grunnlífsgæðum s.s. Menntun, heilbrigðisþjónustu og hreinu vatni.
-
Mannréttindi
Stjórnarskrá tryggi að allir hafi jafnan rétt til heilbrigðisþjónustu, náms og lágmarksframfærslu óháð búsetu. Mannréttindi skuli ávalt vera hornsteinn lýðveldisins.
-
Mannréttindi
Stjórnarskráin skal tryggja jafnrétti allra þegna landins óháð kyni, trú, þjóðerni, lit, búsetu, getu og kynhneigð og því ættu slík ákvæði, ásamt ákvæðum um jöfnun atkvæðisréttar að standa fremst í henni.
-
Mannréttindi
Mannréttindarákvæði tryggi að allir séu jafnir fyrir lögum óháð kyni, kynhneigð, kynþætti, skoðunum og trú.
-
Mannréttindi
Allir þegnar eru jafnir fyrir lögum og hafa sama aðgang að menntun og heilbrigðisþjónustu óháð fjárhag, búsetu, þjóðerni og trú.
-
Mannréttindi
Nauðsynlegt er að tryggja börnum og eldri borgurum öryggi og frelsi og hlúa að réttindum þeirra. Einnig er mikilvægt að virða tjáningarfrelsi einstaklingsins.
-
Mannréttindi
Ný stjórnarskrá á að tryggja jafnrétti þegnanna og velferð þar sem grunnþjónusta er styrkt. Ísland í sátt og samlyndi.
-
Mannréttindi
Áfram áhersla á jöfn mannréttindi alls fólks, t.a.m.. Menntun og friðhelgi einkalífs. Einnig áhersla á nýjungar t.d. Að leggja niður landsdóm, greiða fyrir fjölmenningarsamfélagi og viðurkenna táknmál.
-
Mannréttindi
Jafnrétti einstaklinga til náms, trúar, tjáningar, starfs og búsetur, nú og um ókomna framtíð, verði ofar auðgildi. Atkvæða vægi verði jafnt óháð búsetu.
-
Mannréttindi
Við viljum jafnrétti, trúfrelsi, tjáningarfrelsi og eignarréttur sé tryggður, og að vernd gegn ríkisvaldi, stórfyrirtækjum og vers kyns ógnunum sé tryggð.
-
Mannréttindi
Tryggja skal rét barna, jafnréttis til náms og heilbrigðisþjónustu, jöfn laun kynjanna og frelsi til tjáningar.
-
Mannréttindi
Mannréttindi tryggja jafnrétti allra þegna hvort sem það er gagnvart lögum, lámarksframfærslu, frelsi til athafna, heilbrigðisþjónustu, vægi atkvæða og skoðanafrelsis. Að friðhelgi heimilisins brjóti ekki á rétti einstaklingsins , en sé þó gætt. Að þjóðin sé upplýst um og þekki stjórnarskrá sína.
-
Mannréttindi
Tryggja skal öllum þegnum landsins grunnframfæslu þeim til lífsbjargar, menntun, sömu laun fyrir sömu vinnu og að réttindi barna séu virt.
-
Valddreifing, ábyrgð og gagnsæi
Kjörnir fulltrúar hafi reynslu eða menntun sem nýtist í starfi, seta þeirra takmörkuð og hagsmunatengsl ljós, eftirlit fjármálastofnana (sé) hjá erlendum aðilum
-
Valddreifing, ábyrgð og gagnsæi
Raunveruleg þrískipting valds þar sem ráðherrar skulu vera fagmenntaðir og sitja ekki á alþingi, þingmönnum skulu fækkað og þrjú dómstig.
-
Valddreifing, ábyrgð og gagnsæi
Stjórnarskráin ætti að tryggja gagnsæi og eftirlit í stjórnsýslu sem og að hlutverk og ábyrgð ráðamanna séu skýr. Ráðherrar skulu ekki gegna þingmennsku ásamt ráðherraembætti. Einnig skal forseti alþingis kosinn samhliða alþingiskosningum
-
Valddreifing, ábyrgð og gagnsæi
Lýðveldi að franskri/finnskri fyrirmynd með skýra ábyrgð, einfaldari stjórnsýslu, miklu gagnsæi dómstóla, þar sem fagmennska er í fyrirrúmi og tekin upp rafræn stjórnsýsla
-
Valddreifing, ábyrgð og gagnsæi
Ráðherrar séu ekki alþingismenn og hafi haldgóða þekkingu á viðkomandi málaflokk, alþingi skipi dómara og stofnað sé til sátta- /smámála dómstóls, hafa skal persónukjör
-
Valddreifing, ábyrgð og gagnsæi
Tryggja sjálfstæði dómstóla, forseti hafi neitunarvald, störf alþingis gegnsæ, þrískipting valdsins algjör, ráðherrar eigi ekki sæti á alþingi. Sérfræðiþekking nýtt í ákvörðunartöku fyrir opnum tjöldum.
-
Valddreifing, ábyrgð og gagnsæi
Þingmenn hugsi um hagsmuni þjóðarinnar og hafi ekki leynilegar kosningar. Að forsetinn hafi skýrt afmarkað hlutverk og ráðhærrar sitji ekki á alþingi
-
Valddreifing, ábyrgð og gagnsæi
Tryggja skal þrískiptingu ríkisvaldsins sem er sjálfstæði dómstóla, stjórnmálamenn skulu bera ábyrgð á gjörðum sínum og sjá til þess að gagnsæi sé í stjórnsýslu auk þess að afstaða sé tekin til neitunarvalds forseta
-
Valddreifing, ábyrgð og gagnsæi
Persónukjörnir alþingismenn geti ekki setið lengur en 8 ár, Ráðherrar hafi viðeigandi menntun, gagnsæi sé tryggt og viðhaldið sé þrískiptu valdi
-
Valddreifing, ábyrgð og gagnsæi
Aukning valds löggjafans, veiking framkvæmdavaldsins eru grunnþættir nýrrar stjórnarskrár. Alþingi sé skipað fáum kjörnum þingmönnum sem sitji í takmarkaðan tíma og ráðherrar séu utan þings
-
Valddreifing, ábyrgð og gagnsæi
Hlutverk ríkisstjórnar og alþingis skal skilgreint og eftirlitsskyldum þess framfylgt, starfsmenn þeirra ópólitískir og ráðnir af hæfni, stjórnlagadómstóll mun fara með völd þrískipta valdsins
-
Valddreifing, ábyrgð og gagnsæi
Þingm0nnum verði fækkað (33) og seta þeirra takmörkuð. Ráðherrar víki af þingi á meðan á ráðherrasetu stendur, skipan hæstaréttar er hjá 2/3 þingmanna, forsetavald vel skilgreint og gagnkvæm upplýsingaskylda virk
-
Valddreifing, ábyrgð og gagnsæi
Aðalatriðið er að vald hinna þriggja greina ríkisvaldsins skarist aldrei, þingseta takmörkuð, dómskerfið hraðvirkara og forsetaembættið lagt niður
-
Valddreifing, ábyrgð og gagnsæi
Við endurskoðun stjórnarskár þarf að endurskoða vald forseta íslands og skíra þrískiptingu valds, alþingismenn og ráðherrar skuli kostnir persónukjöri og vægi útstrikana verði jafnt á við kosningu.
-
Valddreifing, ábyrgð og gagnsæi
Við endurskoðun stjórnarskrár þarf að endurskoða vald forseta Íslands og skýra þrískiptingu valds, alþingismenn og ráðherrar skuli kosnir persónukjöri og vægi útstrikana jafnt á við kosningu
-
Valddreifing, ábyrgð og gagnsæi
Stjórnarskrá skal kveða á skarpa þrískiptingu valds, löggjafavald kosið persónukjöri í einu kjördæmi, framkvæmdavald valið af þjóðkjörnum forsætisráðherra, og sjálfstætt dómsvald. Hlutverk seðlabankans skilgreint.
-
Lýðræði
Stjórnarskrá Íslands mælir fyrir um persónukjör til Alþingis- og þjóðaratkvæðagreiðslu um mikilvæg mál. Hún stendur vörð um sjálfstæði landsins og tryggir rétt þjóðarinnar , sérstaklega barna, til tjáningar
-
Lýðræði
Lýðræðið byggi á þrískiptingu valdsins og jöfnu vægi atkvæða og skýrum lögum um þjóðaratkvæðagreiðslu um mikilvæg málefni. Form á skipun dómara skal endurskoðað.
-
Lýðræði
Stjórnarskráin tryggi sjálfstæði þjóðarinnar og virkt lýðræði. Persónukjör til Alþingis. Jafnt vægi atkvæða og takmarkaða setu þingmanna við 2 kjörtímabil.
-
Lýðræði
Stjórnarskráin tryggi lýðræði. Þjóðin geti farið fram á þjóðaratkvæðagreiðslu, þar sem tæknin er nýtt. Landið sé eitt kjördæmi og þingmönnum fækkað.
-
Lýðræði
Valdið er fólksins í gegnum þjóðaratkvæðagreiðslu. Fækka skal þingmönnum um helming og kosið skal um persónur í öllum flokkum. Skýrt hlutverk forseta.
-
Lýðræði
Vægi atkvæða verði jafnt í einu kjördæmi, með persónukjöri og þingseta þingmanna háð tímatakmörkunum, þeim fækkaðog settar skýrar reglur um þjóðaratkvæðagreiðslu. Forsætisráðherra og hæstiréttur kosin beint af þjóðinni.
-
Lýðræði
Ísland í eitt kjördæmi, kjörnir fulltrúar með persónukjöri, mest til 8 ára. Alþingi komi saman 1. ágúst. Alþingismenn ekki ráðherrar. Þjóðaratkvæðagreiðsla um mikilvæg mál.
-
Lýðræði
Stjórnarskráin tryggir: -Að valdið sé þjóðarinnar -Rétt almennings til áhrifa -Virkni og endurnýjun þings án flokkahagsmuna
-
Lýðræði
Landið verði eitt kjördæmi, þ.s. Þjóðin kýs öll stærri mál í rafrænni þjóðaratkvæðagreiðslu. Kjörnir fulltrúar sitji í takmarkaðan tíma, kosnir af lista og í persónukjöri. Ráðning ráðherra verði fagleg.
-
Lýðræði
Aukið lýðræði með því að valdið- ákvarðandi séu færðar í auknum mæli til fólksins og landið sé eitt kjördæmi.
-
Lýðræði
Ísland er lýðræðisríki og eitt kjördæmi. Þar sem er persónukjör. Stjórnarskráin sé endurskoðuð við breyttar aðstæður. Meirihlutakjörinn forseti hafi synjunarvald.
-
Lýðræði
Ísland verið eitt kjördæmi og þingmönnum fækkað. Lýðræði verði eflt, m.a. með persónukjöri til Alþingis. Skipan embættismanna í höndum valnefnda.
-
Lýðræði
Við viljum að Ísland sé eitt kjördæmi sem þingmenn eru kosnir persónukosningum, kjósendur geta krafist þjóðaratkvæðagreiðslu og hámarkslengd er á þingsetu og setu í ráðherrastól.
-
Lýðræði
Ísland er eitt kjördæmi. Alþingi situr allt árið árið skipað 33 þingmönnum sem vinna að þjóðarhag og sinna upplýsingaskyldum. Forseti skal kjörin með 50% atkvæða.
-
Lýðræði
Á Íslandi skal vera virkt og gagnsætt lýðræði þar sem kosning til Alþingis geti bæði verið persónubundin jafnt og hlutbundin þar sem landið er eitt kjördæmi, þá skulu ráðherrar vera fagráðnir og dómarar nefndarskipaðir.
-
Lýðræði
Kjósendur með jafnan atkvæðisrétt geti einir breytt stjórnarskrá, kjósi dómara, færri þingmenn, forseti óþarfur og Fagráðherrar séu í hverri ríkisstjórn.
-
Náttúra Íslands, vernd og nýting
"Við viljum áherslu á innlenda framleiðslu matvæla, vistvæna orku og sjálfbæra nýtingu auðlinda, Íslandi í forystu náttúruverndar og umram allt; auðlindir í eigu þjóðar.
-
Náttúra Íslands, vernd og nýting
Auðlindir og nýtingarréttur þeirra eru í þjóðareign, óframseljanleg og skulu nýtast með sjálfbærum hætti. Skattar framtíðar verði að stórum hluta auðlinda og umhverfisgjöld.
-
Náttúra Íslands, vernd og nýting
Auðlindir Íslands á láði og legi séu sameign þjóðarinnar og arðurinn af nýtingu þeirra skili sér til allra, enda sé unhverfisvernd og umgengni við náttúruna í sameiginlegri ábyrgð þjóðarinnar.
-
Náttúra Íslands, vernd og nýting
Silgreindar auðlindir þjóðar skulu nýttar með sjáfbæra þróun að leiðarljósi, með arði til þjóðar, tryggðu aðgengi, sjáfstæði í orkumálum og umhverfisvernd til framtíðar.
-
Náttúra Íslands, vernd og nýting
Allar auðlindir eru eign þjóðarinnar, þær má ekki selja, tryggja skal aðgengi að landinu og stuðla að sjálfbærni fyrir komandi kynslóðir.
-
Náttúra Íslands, vernd og nýting
Við viljum að náttúruauðlindir verði skilgreindar í stjórnarskrá og einnig sem þjóðareign, þær verði nýttar á sjálfbæran hátt og að Ísland verði forystuþjóð í náttúruvernd.
-
Náttúra Íslands, vernd og nýting
Tryggja skal verndun og viðgang náttúrunnar, þjóðareign á auðlindum, jöfn tækifæri til nýtingar þeirra á sjálfæran hátt og blátt bann við veðbindingu
-
Náttúra Íslands, vernd og nýting
Þekking á auðlindum landsins, sem eru í þjóðareign, skal byggð á vísindum. Nýting byggð á sjálfbærni og arður nýttur þjóðinni til hagsældar
-
Náttúra Íslands, vernd og nýting
Sjálfbærni skal höfð að leiðarljósi við ákvörðunartöku og mótun framtíðarsýnar í umhverfismálum. Unhverfismál eru mannréttindamál komandi kynslóða. Auðlindir landsins eru þjóðareign og allt framsal þeirra óheimil. Skal boðað til þjóðfundar er fyrir liggja hugmyndir um nýtingu og eða framsal sameiginlegra auðlinda
-
Náttúra Íslands, vernd og nýting
Náttúra og auðlindir landsins eru óframseljanleg þjóðareign sem ber að vernda, umgangast og nýta á sjálfbæran hátt þannig að aðgengi almennings sé tryggt.
-
Náttúra Íslands, vernd og nýting
Framtíð komandi kynslóða er best borgið með auðlindum landsins í þjóðareign og sjáfbærri nýtingu þeirra. Vernda skal ósnortna náttúru með bættu eftirliti og breytingar á landslangi, s.s. skógrækt, fari í umhverfismat
-
Náttúra Íslands, vernd og nýting
Þjóðin varðveiti og nýti á sjáfbæran háttnáttúru og auðlindir landsins, sem skulu vera þjóðareign.
-
Náttúra Íslands, vernd og nýting
Setja þarf skýr lög um eigna- og nýtingarétt þjóðarinnar á auðlindum, náttúru og lífríki ásamt tryggja almenningi ungengi um land sitt.
-
Náttúra Íslands, vernd og nýting
Réttur fólks til ungengni um landið og auðlindir aftur til fólksins í landinu með áherslu á sjálfbærni og umhverfisvernd án öfga
-
Náttúra Íslands, vernd og nýting
Staðinn verði vörður um náttúru og auðlindir Íslands, þær verði nýttar skynsamlega sem órfamseljanleg sameign þjóðarinnar.
-
Náttúra Íslands, vernd og nýting
Náttúra Íslands og auðlindir hennar eru sameign þjóðarinnar og ber að vernda þær, jafna arði og aðgengi fyrir komandi kynslóðir.
-
Réttlæti - Velferð - Jöfnuður
Velferð fjölskyldunnar í fyrrirrúmi. Þar sem allir eru jafnir fyrir lögum og hafi tryggðan rétt til framfærslu, menntunar og heilbrigðisþjónustu á afskipta kirkju og valdamikilla einstaklinga.
-
Réttlæti - Velferð - Jöfnuður
Lögbundinn skulu jöfn réttindi og jafnræði allra þegna til góðrar menntunar, heilbrigðisþjónustu og lágmarks framfærslu.
-
Réttlæti - Velferð - Jöfnuður
Allir eigi rétt á vinnu, framfærslu, ókeypis menntun, heilbrigðisþjónustu áháð búsetu, með einn lífeyrissjóð í landinu sem ekki skerði lífeyri sökum sparnaðar.
-
Réttlæti - Velferð - Jöfnuður
Réttlæti, velferð og jöfnuður byggist á einum sterkum lífeyrisssjóði fyrir alla, skilvirkara dómskerfi, friðhelgi eignaréttar. Menntun óháð efnahag og aðlögun Íslendinga af erlendum uppruna. Áfram Ísland.
-
Réttlæti - Velferð - Jöfnuður
Við viljum verndað og virkt velferðarkerfi, þar sem allir hafa sama rétt og hlýta sömu lögum.
-
Réttlæti - Velferð - Jöfnuður
Við viljum búa í landi sem býður upp á launajafnrétti, trygga lágmarksframfærslu, jöfn lífeyrisréttindi, gott aðgengi að heilbrigðisþjónustu og þar sem réttarkerfið er endurskoðað reglulega.
-
Réttlæti - Velferð - Jöfnuður
Allir skulu vera jafnir fyrir lögum. Eiga jafnan rétt til heilbrigðisþjónustu og menntunar óháð tekjum og búsetu. Tryggja skal aðgengi að menntun við hæfi og jafnt vægi atkvæða.
-
Réttlæti - Velferð - Jöfnuður
Stjórnarskrá Íslands gætir að menntun og því að heilbrigðisþjónustan sé fyrir alla. Mikilvægt er að refsirammi afbrota sé skýr og í samræmi við glæp. Hún leggi áherslu á jafnrétti í launamálum og að eldri borgarar eigi skýlausan rétt á að halda eignum sínum. Endurskoða skal gjaldþrotalög.
-
Réttlæti - Velferð - Jöfnuður
Allir þegnar séu jafnir fyrir lögum, hafi rétt til menntunar við sitt hæfi og til félaglegs og fjárhagslegs öryggis.
-
Réttlæti - Velferð - Jöfnuður
Öllum skal tryggður jafn réttur til velferðarþjónustu og tryggja skal að allir njóti sanngirni í opinberri umræðu.
-
Réttlæti - Velferð - Jöfnuður
Allir skulu eiga jafnan rétt til velferðar (menntunar, heilbrigðisþjónustu, lífeyrisréttinda, íþrótta og tómstunda) og engum mismunað á grundvelli kyns, litar, aldurs, búsetu, vinnu, þjóðernis og skoðana. Við viljum vel upplýst og menntað samfélag þar sem allir hafa jafnan rétt.
-
Réttlæti - Velferð - Jöfnuður
Að tryggja jafnrétti landsmanna með atvinnu, húsnæði, heilbrigðisþjónustu, menntun og velferð barna. Að landið verði eitt kjördæmi og að allir séu jafnir að lögum.
-
Réttlæti - Velferð - Jöfnuður
Stjórnarskrá skal tryggja jafnan rétt allra til náms og athafna, aðgengi að heilbrigðisþjónustu óháð efnahag. Örugga framfærslu og jafnræði fyrir lögum.
-
Réttlæti - Velferð - Jöfnuður
Tryggjum velferð á Íslandi, jafnrétti allra til menntunar, heilsugæslu, félagsþjónustu, eignarrétts og nýtingar landsins gæða. -óháð kyni, kynþætti, trúarskoðun, aldri, efnahag, búsetu, fötlun og kynhneigð.
-
Réttlæti - Velferð - Jöfnuður
Ísland er eitt kjördæmi með jöfnu atkvæðisvægi, frelsi til ábyrgðarfullra skoðana og athafna og með jöfnuð að leiðarljósi í velferðarmálum.
-
Réttlæti - Velferð - Jöfnuður
Tryggja skal öllum landsmönnum jafnrétti, réttlæti og mannsæmandi lífskjör. Áhersla skal lögð á menntun, velferð barna og jafnan rétt til heilbrigðisþjónustu
-
Friður og alþjóðasamvinna
Ísland er hernaðarlega hlutlaust og vistvænt land, sem leggur áherslu á alþjóðasamstarf og útflutning á sérhæfðri þekkingu.
-
Friður og alþjóðasamvinna
Ísland skal vera fyrirmynd annarra þjóða, sem vopnlaus og friðsöm þjóð, sem virðir alþjóðasamninga með sjálfbærni í huga án þess að afsala fullveldi þjóðarinnar
-
Friður og alþjóðasamvinna
Ísland stuðli að friði í heiminum og eigi gott alþjóðlegt samstarf þar sem mannréttindi, sjúkdómavarnir og fullveldi Íslands verði í heiðri höfð.
-
Friður og alþjóðasamvinna
Ísland er sjálfstætt friðarríki sem innleiðis alla sáttmála S.Þ og býður þróunarríkjum aðstoð í orkumálum.
-
Friður og alþjóðasamvinna
Ísland taki upp nánri samvinnu við hin norðurlöndin varðandi utanríkismál, leggi áherslu á alþjóðasamvinnu um auðlindanýtingu, sé hlutlaust í stríðsátökum og styrki frjáls félagasamtök til hjálparstarfs
-
Friður og alþjóðasamvinna
Ísland styður ekki stríðsrekstur og hýsir ekki stríðstengda starfssemi. Ísland taki þátt í alþjóðasamvinnu og veiti 0,1% af þjóðartekjum í þróunaraðstoð. Öryggi landsins tryggt.
-
Friður og alþjóðasamvinna
Ísland er lýðræðissinnuð & friðsöm þjóð sem tekur virkan þátt í alþjóðasamstarfi og er leiðandi á sviði náttúruverndar.
-
Friður og alþjóðasamvinna
Alþingi hlíti niðurstöðu stjórnlagaþings, nýrrar siðanefndar fólksins og alþingismenn fái sömu eftirlaunakjör og almenningur, en að auki missi þeir rétt til endurkjörs brjóti þeir af sér.
-
Friður og alþjóðasamvinna
Íslendingar eru friðarsinnuð þjóð sem leitast við að hafa góð samskipti við alþjóðasamfélagið, stuðlar að friðsamlegum og skýrum samskiptum þjóðar og innflytjenda og stendur vörð um mannréttindi á heimsvísu
-
Friður og alþjóðasamvinna
Ísland er þjóð sem er friðelskandi og tekur ekki þátt í deilum þjóða í milli. Íslands tekur frumkvæði í alþjóðasamfélaginu í vísindum, mannréttindum og sjálfbærni. Ísland ber veigamikil mál undir þjóðaratkvæði
-
Friður og alþjóðasamvinna
Íslenska þjóðin, sjálfstæð, umburðarlynd og herlaus leiðir umhverfisráð Norðurhvels, styður friðar- og hjálparstarf í heiminum og beitir þjóðartakvæðagreiðslu í alþjóðasamvinnu
-
Friður og alþjóðasamvinna
Ísland er friðsamt og ehrlaust laund, efnahagslega sjálfstætt ríki sem tekur þátt í alþjóðaviðskiptum á ábyrgan hátt og er leiðandi í að móta leikreglur í samskiptum þjóða
-
Friður og alþjóðasamvinna
Ísland sé málsvari friðar og styðji ekki að ágreiningmál séu leyst með stríðsátökum eða hernaði. Ísland taki þátt í Alþjóðasamstarfi, sérstaklega norrænu og tryggi fullveldi Íslands í gegnum alþjóðasamstarf
-
Friður og alþjóðasamvinna
Herlaust, kjarnorkulaust á landi, lofti og legi, ásælist ekki annarra auðlindir, efli samstarf á norðurslóðum, stundi heðarleika í samskiptum. Erlendir afbrotamenn afpláni í heimalandi.
-
Friður og alþjóðasamvinna
Stjórnvöld tryggi öryggi lands og þjóðar, bæti og auki samskipti við önnur lönd sérstaklega samvinnu við norðurlönd og stuðli að friði í heiminum. Allar stórar ákvarðanir séu á valdi þings og þjóðar.
-
Friður og alþjóðasamvinna
Íslendingar stuðli að heimsfriði. Efli alþjóðasamvinnu en passi upp á sjálfstæði landsins og styðji við mannréttindi og tjáningafrelsi í öðrum löndum. Ísland verði ekki aðili að hernaðarbandalögum.
-
Land og þjóð
Viðhalda skal sjálfstæði þjóðarinnar. Þjóðin hafi forseta en hlutverk hans verði skilgreint og afmarkað. Öllum landsmönnum er skylt að hljóta þjálfun í aga og virðingu áður en 18 ára aldri er náð.
-
Land og þjóð
Íslenska er tunga þjóðarinnar. Á Íslandi er jafnrétti til náms. Á landinu er engin þjóðkirkja og enginn forseti.
-
Land og þjóð
Ísland er sjálfstætt ríki þar sem býr samheldin þjóð með áherslu á manngildi, menningu og vernd þjóðarhagsmuna.
-
Land og þjóð
Íslenska tungu eflum við, auðlindir verjum af mætti, kirkja og ríki með hvort sína hlið, kannski þjóðina sætti.
-
Land og þjóð
Hér skal vera réttarríki. Réttlátt skipta auðum. Kjósa svo að lögin líki. Lesa má úr rauðum, bláum.
-
Land og þjóð
Stjórnarskrá Íslands skal skrifuð fyrir fólkið í landinu og kjörnir fulltrúar skulu vinna fyrir þjóðina með sjálfstæði þjóðar, verndun íslenskrar tungu, val í tungumálakennslu og samgönguöryggi að leiðarljósi
-
Land og þjóð
Stöndum vörð um íslenska tungu, menningu og listir, eflum menntun og tryggjum almennt trúfrelsi bæði fyrir innlenda sem erlenda
-
Land og þjóð
Stjórnarskráin er grunnsáttmáli sem tryggir fullveldi, sjálfstæði og jöfnuð íslendinga, varðveitir íslenska tungu, skilgreininir hlutverk forseta og aðskilnað ríkis og kirkju.
-
Land og þjóð
Siðfræði er hornsteinn í skólastarfi þjóðar og fræðsla um lýðræði ásamt auðskiljanlegri stjórnarskrá. Aðskilja skal ríki og kirkju. Auka færni ríkisfangsleitenda til aðlögunar. Sjálfstæði skal tryggt jafnvel innan efnahagsbandalaga
-
Land og þjóð
Aðskilja skal ríki og kirkju, standa vörð um íslenska tungu og menningu og tryggja öllum landsmönnum atvinnu og grunnþjónustu óháð búsetu.
-
Land og þjóð
Ísland sé frjálst lýðræðisríki, náttúruauðævi til lands og sjávar séu í þjóðareign. Tryggja fæðuöryggi og búsetu í dreifbýli. Stjórnarskráin sé skiljanleg og rituð á mannamáli og almenningi tryggð meiri áhrif á þjóðmál.
-
Land og þjóð
Auðlindir, menning og tungu íslensku þjóðarinnar skal vernda með samstöðu og trú á kraft lífsins, samfélagsins og einstaklingsins.
-
Land og þjóð
Ísland er sjálfstætt ríki og landið eitt kjördæmi. Ríkið aðskilið trúfélögum, lög gildi um kynningu stjórnarskrár í grunnskólum og komið sé til móts við innflytjendur með íslenskukennslu.
-
Land og þjóð
Við viljum: Aukin völd forseta. Að allir landsmenn séu jafnir. Að auðlindir séu sameign þjóðarinnar og skal haga nýtingu þeirra á sjálfbæran hátt.
-
Land og þjóð
Áhersla skal lögð á sjálfstæði, verndun ímyndar Íslands, íslenskrar tungu, fjölmenningu, sjálfbærni auðlinda og reglulegt þjóðþing
-
Land og þjóð
Stjórnarskráin ávarpi þjóðina, mæli til um langtímastefnu - mörkun í þjóðmálum, tiltaki að auðlindir landsins séu sameign þjóðarinnar og að hún mismuni ekki trúarskoðunum landsmanna