Ellý K. Guðmundsdóttir

Ellý Katrín Guðmundsdóttir er sviðstýra umhverfis- og samgöngusviðs Reykjavíkurborgar. Ellý lauk embættisprófi í lögum frá Háskóla Íslands árið 1990. Þaðan lá leiðin til Bandaríkjanna þar sem hún lauk mastersprófi í umhverfis- og alþjóðarétti frá University of Wisconsin árið 1997.

Ellý starfaði sem lögfræðingur á Einkaleyfastofu 1991-1994 og hjá Alþjóðabankanum í Washington, DC, 1998-2001 og er nú sviðsstýra umhverfis- og samgöngusviðs Reykjavíkurborgar. Hún var forstöðukona umhverfismála hjá Reykjavíkurborg frá árinu 2002 að undanskildu árinu 2007 þegar hún starfaði sem forstjóri Umhverfisstofnunar.