Berghildur Erla Bernharðsdóttir, upplýsingafulltrúi

Berghildur Erla Bernharðsdóttir er upplýsingafulltrúi Þjóðfundar/stjórnlagaþings. Hún lauk meistaragráðu í blaða-og fréttamennsku frá H.Í 2008. Hún er jafnframt með próf í hagnýtri fjölmiðlun og B.A. í félags-og viðskiptafræði frá sama skóla. Berghildur er með burtfararpróf í söng frá Nýja tónlistarskólanum. Hún hefur m.a. starfað sem verkefnisstjóri hjá Ungmennafélagi Íslands, starfaði um árabil við dagskrárgerð-og fréttamennsku á RÚV, þá ritstýrði hún bókinni Íslensk fyrirtæki. Hún ritstýrði einnig tímaritinu Uppeldi um árabil. Loks starfaði hún sem upplýsingafulltrúi Arion banka frá 2009-2010.